Translate

Translate

Friday, February 22, 2013

இன்றைய ஹீட்லர்-"rajapakse"

போர்குற்ற விசாரணைக்காக நாம் ஏன் போராட கூடாது?


இலங்கைக்கு எதிராக, சர்வதேச போர்குற்ற விசாரணை வேண்டும் என்று போராட்டங்களை முன்னெடுக்கும், தமிழ்நாட்டின் அனைத்து கட்சிகளையும் குறை கூறுவதை நாம் விட்டு விடுவோம். அவர்களால் முடிந்ததை அவர்களின் அரசியலுக்காகவோ, அல்லது உண்மையாகவோ எதோ ஒரு வகையில் அவர்கள் செய்து விட்டு போகட்டும்.


போர்குற்ற கொடூரத்திற்காக நாம் என்ன செய்ய போகிறோம் ? கை கட்டி, வாய் பொத்தி மீண்டும் மௌனியாக வெடிக்க பார்த்து கொண்டு இருக்க போகிறோமா?

அல்லது

இப்படியே இணைங்களில் எழுதி கொண்டும், ஒருவரை ஒருவர் குறை கூறி கொண்டும்,சண்டை போட்டு கொண்டும்,வெற்று கூச்சல்கள் மட்டுமே இட்டு கொண்டே இருக்க போகிறோமா? இப்படியே தொடர்ந்து செய்வதால் நம் இனத்திற்கு என்ன பயன் ஏற்பட்டு விட போகிறது?


கட்சி அரசியலுக்கு அப்பாற்பட்டு, இணைய நண்பர்கள், கணினி துறையில் வேலை செய்யும் நண்பர்கள், மனசாட்சி உள்ளவர்கள், மனிதாபிமானம் உள்ளவர்கள் அனைவரும் ஒன்றிணைந்து ஏன் ஒரு மிகப்பெரிய போராட்டத்தை முன்னெடுக்க வேண்டும் என்று சிந்திக்க கூடாது?


போராட்டத்திற்காக நம் நண்பர்களை ஏன் ஒருங்கிணைக்க கூடாது?


எல்லோருக்கும் சவுகரியமான, சனி அல்லது ஞாயிற்று கிழமையில், சென்னையில் ஒரு மாபெரும் போராட்டத்தை நாம் முன்னெடுக்கலாமே!


நமக்கு தெரிந்த கல்லூரி மாணவர்களை, வேலை செய்யும் நண்பர்களை ஒருங்கிணைத்தால் கட்சிகள் நடத்தும் மாநாட்டை விட, அதிகமான மக்களை கொண்ட,வலுவான ஒரு போராட்டமாக இருக்கும் என்பதில் இரு வேறு கருத்துக்கள் இருக்காது.


அடையாள போராட்டமாக, எதோ சில நூறு பேர் போய், போராட்ட களங்களில் நின்று, நம் மனசாட்சிக்கு மட்டுமே நல்லவனாக இருப்பதை விட, சமூகத்தில் தாக்கத்தை ஏற்படுத்தும் அளவுக்கு ஒரு வீரியமான போராட்டத்தை முன்னெடுக்க நண்பர்கள் ஏன் முன் வர கூடாது?


இதை விட பெரிய கொடுமைகளும்,இன அழிப்பும், இழப்பும் இந்த இனத்திற்கு இனிமேலும் நடக்க போவதில்லை. எல்லாம் நடந்தாகி விட்டது. இதற்கு மேல் இழப்பதற்கு எதுவும் இல்லை.


ஏன் ஒரு நாள் நம்முடைய வேலைகளை எல்லாம் ஒதுக்கி வைத்து விட்டு,நம் இனத்துக்காக நியாயம் கேட்டு போராட முன் வருவது குறித்து சிந்திக்க கூடாது?


நம் கோபங்கள் அனைத்தும் வெறும் கூச்சல்களாக, வெற்று சண்டைகளாக, கணினியோடும், முகநூலோடும் போய் விடாமல் நம் இனத்தின் நீதிக்கான பயணத்தில் எதோ ஒரு வகையில் உதவினால் எல்லோருக்கும் மகிழ்ச்சியே!


இதற்காக போராடாமல் எதற்காக போராடுவது? இது தமிழர்கள் ஒவ்வொருவரின் கடமை அல்லவா!


சிந்தியுங்கள் நண்பர்களே ! ஒன்று சேரலாம் என்று நினைப்பீர்கள் என்றால் ஒருங்கிணைக்கலாம்! செயல்படலாம்!


அன்பின் ஆழத்தில்
ஆண்டனி வளன்

No comments: